أخطر 10 نكت سياسية عن حكومة عصام شرف
نظرا لان المصرى مواطن "ابن نكته" فإنه لم يترك مسألة اختيارات الوزراء فى حكومة الدكتور عصام شرف لتمر مرور الكرام فقام بتأليف عدد من النكات السياسية على الوزارة، وهذه هى أهم 10 نكت سياسية قيلت عن الحكومة والتغييرات الوزارية :
* سألوا واحد محشش ليه د. شرف بيختار الوزراء فوق الثمانين، فرد على الفور لأنه ما لقيش وزرا فوق التسعين عايشين.
*واحد بيقول لزميله : إيه أهم ميزة في الوزير الجديد، قال والله مانا عارف، فرد مسرعا إنه مش هيطول أكثر من 6 شهور ونقلبه، قصدي ندفنه.
* تقدم أحدهم باقتراح لإنشاء مستشفى ودار مسنين يتم إلحاقها بمقر مجلس الوزراء القادم.
د. عصام شرف رئيس الوزراء المصرى
* قال لصاحبه: عارف الوزارة الجاية هيبقى شعارها إيه قال له لأ : فقال له "الدهن في العتاقي" كاك كاك.
* سألوا د. شرف ليه اخترت جميع وزرائك عواجيز فأجاب : علشان أضمن إن ماحدش منهم يلعب بديله، فأغلب الظن أن الذيل يسقط بعد الستين ويدفن بعد السبعين.
* قرر مجلس الوزراء منح التالي أسمائهم مقاعد وزارية "متحركة" وأنبوبة أكسجين وحقنة أنسولين مع تعيين طاقم تمريض لكل وزير.
* عارف إيه أول خطوة ها تنفذها الوزارة الجديدة : المشروع القومي لمقابر الغفير.
حكومة شرف
* س : ليه اختاروا وزير الإعلام شاب صغير ، ج : علشان الصغير مسيره بكرة يكبر برضه.
* إيه اللي يحصل لو سيدنا نوح ولقمان الحكيم والصابر أيوب اتعينوا وزراء.. أبدا هانجيب لهم أبونا آدم يحكمهم.
* أما النكتة العاشرة دي فسنضطر لحجبها حتى لا نروح في خبر كان ، وهاننتظر منكم مزيدا من النكات بس ياريت والنبي مايكونش دمها تقيل زي اللي فاتت.
نكت بايخه جدا واللى الفوها بيخين ودمهم بارد جدا اللى الفوها شكلهم عاهات او ترابيه وبيشتغلوا مغسلتيه
ردحذفعيسى
يا جماعه أرجوكم لا نعاير بكبر السن ولا المرض ،كبر السن هيبه ، والمرض والموت ليس له سن ، الم تسمع "اش حال مريضكم ،قاله سليمنا مات " وبالنسبه للسن ،ليس منا من لم يرحم صغيرنا ويوقر كبيرنا ، مش لازم نخرج من عباءة الدين والقيم والمبادىء حتى نتقدم ، فعلا تكلم حتى أعرفك .
ردحذفشاب فى سن الستين ، وشكرا لكم
وأرجو الا نفضح انفسنا بجهلنا وبحماقاتنا الصبيانيه.
اتفق مع الاستاذ طلعت فى كل كلمة قالها فى تعليقه ، ووجب علينا التنويه الى ان الموضوع منقول ، ولا يعبر عن راى المسئولين فى الموقع ، انا هو راى مجموعة من الناس على الفيس بوك ونحن قمنا بالنقل بدون اية زيادة أو نقصان .
ردحذف